ஜனாதிபதி அநுரகுமார திசாநாயக்க சற்றுமுன்னர் (03) நாடாளுமன்றத்திற்கு வருகை தந்து மத்திய கிழக்கில் நிலவும் போர் தொடர்பான தனது நிலைப்பாட்டை அறிவித்துள்ளார்.
இதன்போது அவர் நாடாளுமன்றத்தில் தொடந்து தெரிவித்துள்ளதாவது,
மத்திய கிழக்கில் தற்போது நிலவும் மோதலில் ஈடுபட்டுள்ள அனைத்து தரப்பினரும் விரைவில் அமைதியான சூழ்நிலைக்கு வர வேண்டுமென இலங்கை எதிர்பார்க்கின்றது. ஏனெனில் இது இலங்கை உட்பட முழு உலகின் பொருளாதாரத்தையும் பாதிக்கின்றது.
மத்திய கிழக்கில் போரில் ஈடுபட்டுள்ள அனைத்து தரப்பினரும் அமைதியாக உலகத்தை கட்டுப்படுத்த தேவையான அர்ப்பணிப்பு மற்றும் வழிகாட்டுதலை விரைவில் வழங்க வேண்டும்.
“எந்தவொரு போர் மோதலும் எந்தவொரு மக்களுக்கும் சாதகமான சூழ்நிலையை உருவாக்காது. தொழில்நுட்பம் மற்றும் இராணுவத்தின் அடிப்படையில் பெரிய ஆயுதங்கள் மற்றும் தொழில்நுட்ப கருவிகளை உருவாக்கும் உலகத்திற்கு இது எவ்வளவு அழிவுகரமானது என்பதை நாம் அனைவரும் புரிந்து கொள்ள முடியும்.
இந்த போர் நிலைமை இலங்கை மக்களின் வாழ்க்கையிலும் பெரும் தாக்கத்தை ஏற்படுத்தக்கூடும் என்றும், ஒரு நாடாக இதைச் சமாளிக்க ஒரு திட்டம் வகுக்கப்படும் என்றும், அமைதியான உலகத்திற்கான சர்வதேச அர்ப்பணிப்பு மூலம் மட்டுமே இதை அடைய முடியும் என்றும் ஜனாதிபதி வலியுறுத்தியுள்ளார்.
மத்திய கிழக்கில் நடக்கும் போர் எண்ணெய் மற்றும் எரிவாயு விநியோகத்தை சீர்குலைத்து, வெளிநாடுகளில் உள்ள இலங்கையர்களுக்கு பெரும் பிரச்சினையை உருவாக்கக்கூடும் என்று ஜனாதிபதி கூறியுள்ளார்.
சுற்றுலாத் துறை, வெளிநாட்டு பணம் அனுப்புதல், கப்பல் போக்குவரத்து மற்றும் விமானப் போக்குவரத்துத் தொழில்களும் பாதிக்கப்படும் என்றும் அவர் கூறியுள்ளார்.
இந்த போர் சூழ்நிலையால் குறுகிய மற்றும் நீண்ட காலத்தில் இலங்கை எதிர்கொள்ளும் பிரச்சினைகளுக்கு தீர்வு காணப்பட வேண்டும் என்றும், கடந்த காலத்தின் விரும்பத்தகாத அனுபவங்களால் மக்கள் இதுபோன்ற சூழ்நிலையில் பதட்டமடைவது இயல்பானது என்றும் ஜனாதிபதி தெரிவித்துள்ளார்.
